На главную


01.08.2018
http://afanasiy.net/keleinoe-pravylo-otca-serafyma


КЕЛЕЙНОЕ ПРАВИЛО ОТЦА СЕРАФИМА.



Прежде начатія псалтири читай сіе:

Боже, очисти мя грѣшнаго, и помилуй мя. Поклонъ.
Создавый мя Господи, помилуй мя. Поклонъ.
Безъ числа согрѣшихъ, Господи, прости мя. Поклонъ.
Боже, милостивъ буди мнѣ грѣшному. Поклонъ.
Боже, прости мнѣ беззаконія и согрѣшенія. Поклонъ.

Кресту Твоему поклоняемся, Владыко, и святое воскресеніе Твое славимъ. Поклонъ.

Господи, аще словомъ или дѣломъ согрѣшихъ во всей жизни моей, помилуй мя, и прости ми грѣшному, милости Твоея ради.

Достойно есть. Слава и нынѣ. Господи помилуй. Трижды. Благослови.

Молитвами святыхъ Отецъ нашихъ, Господи Іисусе Христе, Сыне Божій, помилуй мя грѣшнаго. Слава Тебѣ Боже нашъ, слава Тебѣ.

Трисвятое: По Отче нашъ:

На Славахъ:

Слава, и нынѣ. Аллилуіа, трижды. Господи помилуй, трижды.
Посемъ: Спаси Господи и помилуй всѣхъ православныхъ христіанъ и на всякомъ мѣстѣ владычествія Твоего православно живущія: подаждь имъ, Господи, душевный миръ и тѣлесное здравіе, и прости имъ всякое согрѣшеніе, вольное же и невольное: и ихъ святыми молитвами и меня окаяннаго помилуй.

Упокой, Господи, души усопшихъ рабъ Твонхъ, праотецъ, отецъ и братій нашихъ, здѣ лежащихъ и повсюду православныхъ христіанъ преставльшихся: подаждь имъ, Господи, царствіе и причастіе Твоея безконечныя и блаженныя жизни, и прости имъ. Господи, всякое согрѣшеніе, вольное же и невольное.

По окончаніи каѳисмы читай:

Тропари и кондаки.

Въ беззаконіяхъ зачався азъ блудный, не дерзаю взирати на высоту небесную; но, дерзая на человѣколюбіе Твое, зову: Боже, очисти мя грѣшнаго и помилуй мя.

Аще праведникъ едва спасается, азъ гдѣ явлюся грѣшный? Тяготы и зноя дневнаго не понесохъ; но поне съ наемниками единонадесятаго часа сопричти мя, Боже, и спаси мя.

Объятія Отча отверсти ми потщися: блудно мое иждихъ житіе, на богатство неиждиваемое взирали щедротъ Твоихъ, Спасе: нынѣ обнищавшее мое да не презриши сердце; Тебѣ бо, Господи, во умиленіи зову: согрѣшихъ на небо и предъ Тобою.

Достойно есть яко вонстинну, до конца.

Согрѣшихъ къ Тебѣ, Спасе, яко блудный сынъ: прінми мя Отче кающагося, и помилуй мя, Боже.

Зову къ тебѣ, Христа Спасе, мытаревымъ гласомъ: очисти мя, якоже онаго, и помилуй мя, Боже.

Милосердія сущи источникъ, милости сподоби насъ, Богородице; призри на люди согрѣшившія, яви яко присно силу Твою: на Тя бо уповающе. Радуйся, вопіемъ Ти, якоже иногда Гавріилъ, безплотныхъ Архистратигъ.

Вся паче смысла, вся преславная Твоя Богородице, таинства! Чистотѣ запечатанной и дѣвству храииму, Мати позналася еси неложна, Бога рождши истиннаго: Того моли спастися душамъ нашимъ.

Пречистому Твоему Образу поклоняемся, Благій, просяще прощенія прегрѣшеній нашихъ, Христе Боже: волею бо благоволилъ еси плотію взыти па крестъ, да избавиши, яже создалъ еси, отъ работы вражія. Тѣмъ благодарственно вопіемъ Ти: радости исполнилъ еси вся, Спасе нашъ, пришедый спасти міръ.

Спаси Господи люди Твоя и благослови достояніе Твое, побѣды благовѣрному Императору нашему (имя рекъ) на сопротивныя даруя и Твое сохраняя Крестомъ Твоимъ жительство.

Небесныхъ воинствъ Архиетратизи, молимъ васъ присно мы недостонніи, да вашими молитвами оградите насъ кровомъ крилъ невещественныя вашея славы, сохраняюще ны припадающія прилежно и вопіющія: отъ бѣдъ избавити ны, яко чиноначальницы вышнихъ Силъ.

Боже Отецъ нашихъ, творяй присно съ нами но Твоей кротости, не остави милости Твоея отъ насъ: но молитвами ихъ въ мирѣ управи животъ нашъ.

Глубиною мудрости человѣколюбію вся строяй и полезное всѣмъ подавай, едино Содѣтелю, упокой Господи души рабъ Твоихъ; на Тя бо упованіе возложиша, Творца и Зиждителя и Бога нашего.

Со святыми упокой Христе души рабъ Твоихъ, идеже нѣсть болѣзнь, ни печаль, ни воздыханіе, но жизнь безконечная.

Упованіе христіанъ, Пресвятая Дѣво, Егоже родила еси Бога паче ума же и слова, непрестанно моли съ горними Силами, дати оставленіе грѣховъ намъ всѣмъ, и исправленіе житія, вѣрою и любовію присно Тя чтущимъ.

Господи помилуй. Сорокъ.

И молитву святаго Ефрема.

Господи и Владыко живота моего, духъ праздности, унынія, любоначалія и празднословія не даждь ми. Поклонъ.

Духъ же цѣломудрія, смиренномудрія, терпѣнія и любве даруй ми рабу Твоему. Поклонъ.

Ей Господи, Царю, даруй ми зрѣтн моя прегрѣшенія и не осуждати брата моего: яко благословенъ еси во вѣки вѣковъ, аминь. Поклонъ. Таже малыхъ дванадесять поклоновъ, глаголюще на кійждо поклонъ: Боже, очисти мя грѣшнаго и помилуй мя. И паки послѣди молитву всю: Господи и Владыко.

По окончаніи трехъ каѳисмъ глаголи:

Создавый мя Господи, помилуй мя.

Безъ числа согрѣшихъ, Господи, прости мя.

Боже, милостивъ буди мнѣ грѣшному.

Боже, прости моя беззаконія и согрѣшенія.

Кресту Твоему покланяемся Владыко, и святое воскресеніе Твое славимъ.

Господи, аще словомъ, или дѣдомъ, или помышленіемъ согрѣшихъ во всей жизни моей, помилуй мя и прости ми грѣшному, милости Твоея ради.

Достойно есть: Слава, и нынѣ. Господи помилуй, трижды. Благослови. Молитвами святыхъ отецъ нашихъ.

Во имя Отца и Сына и Святаго Духа. Аминь. Слава Тебѣ Боже нашъ, слава Тебѣ:

Царю небесный:

Трисвятое: По Отче нашъ: Господи помилуй, дванадесять. Пріидите поклонимся, трижды. И псаломъ пятидесятый: и: Вѣрую во единаго Бога Отца.

Упованіе мое Отецъ, прибѣжище мое Сынъ, покровъ мой Духъ Святый: Троице святая, слава Тебѣ.

Отче нашъ, и проч.

Богороднце Дѣво радуйся, и проч.

Кресту Твоему, и проч.

Возбранный Воеводо и Господи, и проч.

Взбранной Воеводѣ побѣдительная, и проч.

Преславная Присно-Дѣво, и проч.

Все упованіе мое, и проч.

Богороднце Дѣво, не презри мене грѣшнаго, и проч.

Упованіе мое Отецъ, и проч.


Господи, Іисусе Христе, Сыне Божій, помилуй мя грѣшнаго; и прости моя беззаконія и согрѣшенія.

Всемилостивая Владычице моя, Пресвятая Госпоже, Пречистая Дѣво, Богородице Маріе, Мати Божія, спаси мя грѣшнаго.

Святіи Архангели и Ангели, Херувими, Серафими и вся Силы небесныя, помилуйте мя и молитеся ко Господу Богу о мнѣ грѣшномъ.

Святый Ангеле Господень, Хранителю мой Святый, помилуй мя и молися ко Господу Богу о мнѣ грѣшномъ.

Вси Святіи, помилуйте мя и молитеся ко Господу Богу о мнѣ грѣшномъ.

Богородице Дѣво радуйся, и проч.

Спаси Господи и помилуй отца нашего игумена (имя рекъ), со всею о Христе братіею: подаждь имъ Господи душевный миръ и тѣлесное здравіе, и прости имъ, Господи, всякое согрѣшеніе, вольное же и невольное, и ихъ святыми молитвами и меня окаяннаго помилуй.

Спаси Господи и помилуй всѣхъ православныхъ Христіанъ на всякомъ мѣстѣ владычествія Твоего, и подаждь имъ, Господи, душевный миръ и тѣлесное здравіе, и прости имъ, Господи, всякое согрѣшеніе, вольное же и невольное, и ихъ святыми молитвами меня окаяннаго помилуй.

Упокой Господи души усопшихъ рабъ Твоихъ, праотецъ, отецъ и братій нашихъ, здѣ лежащихъ и повсюду православныхъ христіанъ преставльшихся, и подаждь имъ, Господи, причастіе Твоея безконечныя и блаженныя жизни, и прости имъ, Господи, всякое согрѣшеніе, вольное же и невольное.

Слава, и нынѣ. Аллилуіа, трижды. Слава. Спаси Господи и помилуй всѣхъ прав.

И нынѣ. Упокой Господи души усопшихъ, и проч. Посем. О Тебѣ радуется: Слава, и нынѣ. Господи помилуй. Трижды. Благослови. Молитвами Святыхъ Отецъ нашихъ:

Ослаби, остави, прости, Боже, прегрѣшенія наша, вольная и невольная, яже въ словѣ и дѣлѣ, яже въ вѣдѣніи и не въ вѣдѣніи, яже во дни и въ нощи, яже въ умѣ и въ помышленіи, вся намъ прости, яко благъ и человѣколюбецъ.

Ненавидящихъ и обидящихъ мя прости, Господи, человѣколюбче, и проч. Молит.

Богородице Дѣво радуйся, и проч.

Свѣтися, свѣтися, новый Іерусалимѣ, слава бо Господня на тебѣ возсія: ликуй нынѣ и веселися Сіоне: Ты же Чистая, красуйся Богородице о востаніи Рождества Твоего.

Воистину Богородицу Тя исповѣдуемъ спасенніи Тобою, Дѣво, чистая, съ безплотными лики Тя величающе.

Достойно есть, и проч.

Радуйся дѣвственная похвало, радуйся Мати Пречистая, Юже вся тварь божественными пѣсньми величаетъ.

Предстательство христіанъ непостыдное, ходатайство ко Творцу непреложное, не презри грѣшныхъ моленій гласы, но предвари яко Благая на помощь насъ, вѣрно зовущихъ Ти: ускори на молитву и потщися на умоленіе, предстательствующи присно Богородице чтущихъ Тя.

Милосердія двери отверзи намъ, и проч.

Нескверная, неблазная, нетлѣнная, и проч. (Молитва на повечеріи).

Слава, и нынѣ. Господи помилуй. Трижды.

Благослови. Молитвами святыхъ Отецъ нашихъ, Господи Іисусе Христе Боже нашъ, помилуй насъ. Аминь.
________________
Житіе старца Серафима, Саровской обители іеромонаха, пустынножителя и затворника (Съ приложеніемъ его наставленій и келейнаго молитвеннаго правила). Изд. 4-е. Муромъ 1893. С. 317-322.



На главную