Мы объединяем тех, кому нужна сильная Россия
РСПП
Информационно-публицистический портал

   на главную  

   на главную  


Служебные указания для чтеца-алтарника

ПАНИХИДА
Служебные указания для чтеца - алтарника
для сельских приходов без дьякона.
Практика Санкт-Петербургской Епархии.

Панихида

Псаломщик готовит и выносит кадило с ладаном и записки. Поет вместе с иереем и за Лик в случае его отсутствия. Иногда псаломщик один начинает панихиду.

 

(Дьякон:               Благослови, Владыко).

Св:            Благословен Бог наш, всегда, ныне, и присно, и во веки веков.

Лик:           Аминь.

(Д/Св):          Аллилуия, глас 8-й. Блажени, яже избрал и приял еси, Господи.

Лик:           Аллилуия, аллилуия, аллилуия (трижды).

 

Тропарь, глас 8-й

Глубиною мудрости человеколюбно вся строяй

и полезное всем подаваяй, Едине Содетелю,

упокой, Господи, души раб Твоих:

на Тя бо упование возложиша,

Творца и Зиждителя и Бога нашего.

 

Богородичен

Тебе и стену и пристанище имамы,

и молитвенницу благоприятну к Богу,

Егоже родила еси,

Богородице безневестная, верных спасение.

 

Тропари заупокойные, глас 5-й

Благословен еси, Господи,

научи мя оправданием Твоим.

Святых лик обрете источник жизни и дверь райскую

да обрящу и аз путь покаянием;

погибшее овча аз есмь,

Воззови мя, Спасе, и спаси мя.

Благословен еси, Господи,

научи мя оправданием Твоим.

Упокой, Боже, рабы Твоя,

и учини я в раи,

идеже лицы святых, Господи,

и праведницы сияют яко светила.

Усопшия рабы Твоя упокой,

презирая их вся согрешения.

Слава Отцу и Сыну и Святому Духу.

 

(Бывает, что не поется:

Трисиятельное Единаго Божества,

благочестно поем вопиюще:

свят еси, Отче Безначальный,

Собезначальный Сыне и Божественный Душе,

просвети нас верою Тебе служащих

и вечнаго огня исхити).

 

И ныне и присно и во веки веков. Аминь.

Радуйся, Чистая, Бога плотию рождшая во спасение всех,

Еюже род человеческий обрете спасение.

Тобою да обрящем рай,

Богородице Чистая Благословенная.

Аллилуия, аллилуия, аллилуия, слава Тебе, Боже (трижды).

 

Седален, глас 5-й

Покой, Спасе наш,

с праведными рабы Твоя,

и сия всели во дворы Твоя,

якоже есть писано,

презирая яко благ прегрешения их,

вольная и невольная,

и вся яже в ведении и не в ведении, Человеколюбче.

От Девы возсиявый миру, Христе Боже,

сыны света Тою показавый, помилуй нас.

Св: Покой, Господи, души усопших раб Твоих.

Лик:           Покой, Господи, души усопших раб Твоих.

Св: Слава Отцу и Сыну и Святому Духу.

Лик:           И ныне, и присно, и во веки веков. Аминь.

Св: Покой, Господи, души усопших раб Твоих.

Лик:           Покой, Господи, души усопших раб Твоих.

Св: Слава Отцу и Сыну и Святому Духу.

Лик:           И ныне, и присно, и во веки веков. Аминь.

 

Песнь 6-я

Молитву пролию ко Господу, и Тому возвещу печали моя,

яко зол душа моя исполнися, и живот мой аду приближися,

и молюся яко Иона:

от тли, Боже, возведи мя.

 

Заупокойная ектения

(Д/Св):          Паки и паки миром Господу помолимся.

Лик:           Господи помилуй.

(Д/Св):          Еще молимся о упокоении душ усопших рабов Божиих (имена) и о всех нами поминаемых, и о еже проститися им всякому прегрешению, вольному же и невольному.

Лик:           Господи помилуй.

(Д/Св):          Яко да Господь Бог учинит души их, идеже праведнии упокояются.

Лик:           Господи помилуй.

(Д/Св):          Милости Божия, Царства Небеснаго и оставления грехов их у Христа, Безсмертнаго Царя и Бога нашего просим.

Лик:           Подай, Господи.

(Д/Св):          Господу помолимся.

Лик:           Господи помилуй.

 

Молитва об усопших

Св:            Яко Ты еси воскресение, и живот, и покой, усопших раб Твоих (имена), Христе Боже наш; и Тебе славу возсылаем, со Безначальным Твоим Отцем и Пресвятым и Благим и Животворящим Твоим Духом, ныне и присно и во веки веков.

Лик:           Аминь.

 

Кондак, глас 8

Со святыми упокой,

Христе, души раб Твоих,

идеже несть болезнь, ни печаль,

ни воздыхание,

но жизнь безконечная.

 

Икос

Сам Един еси Безсмертный,

сотворивый и создавый человека.

Земнии убо от земли создахомся,

и в землю туюжде пойдем

якоже повелел еси, создавый мя, и рекий ми:

яко земля еси и в землю отыдеши:

аможе все человецы пойдем,

надгробное рыдание творяще песнь:

Аллилуия, аллилуия, аллилуия.

 

Св:            Покой, Господи, души усопших раб Твоих.

Лик:           Покой, Господи, души усопших раб Твоих.

Св:            Благословим Отца и Сына и Святого Духа Господа.

Лик:           И ныне, и присно, и во веки веков. Аминь.

 

Св:            Богородицу и Матерь Света в песнех возвеличим.

Лик:           Дуси и души праведных восхвалят Тя, Господи.

 

Песнь 9-я

Ужасеся о сем небо и земли удивишася концы:

яко Бог явися человеком плотски,

и чрево Твое бысть пространнейшее небес.

Тем Тя, Богородицу,

ангелов и человек чиноначалия величают.

Чтец:          Отче наш (или Трисвятое по Отче наш)…

Св:            Яко Твое есть Царство, и сила, и слава…

 

Тропари (глас 4-й)

Со духи праведных скончавшихся,

души раб Твоих, Спасе, упокой,

сохраняя их во блаженней жизни, яже у Тебе, Человеколюбче.

В покоищи Твоем, Господи,

идеже вси святии Твои упокоеваются,

упокой и души раб Твоих, яко Един еси Человеколюбец.

Слава Отцу и Сыну и Святому Духу.

Ты еси Бог, сошедый во ад

и узы окованных разрешивый,

сам и души раб Твоих упокой.

И ныне и присно и во веки веков, аминь. Едина Чистая

и Непорочная Дево, Бога без семене рождшая,

моли спастися душам их.

 

Заупокойная ектения

(Д/Св):          Помилуй нас, Боже, по велицей милости Твоей, молим Ти ся, услыши и помилуй.

Лик:           Господи помилуй (трижды на каждое прошение).

(Д/Св):          Еще молимся о упокоении душ усопших рабов Божиих (имена) и всех нами поминаемых и о еже проститися им всякому прегрешению, вольному же и невольному.

Яко да Господь Бог учинит души их, идеже праведнии упокояются.

Милости Божия, Царства Небеснаго и оставления грехов их у Христа, Безсмертнаго Царя и Бога нашего просим.

Лик:           Подай, Господи.

(Д/Св):          Господу помолимся.

Лик:           Господи помилуй.

Св:            Яко Ты еси воскресение, и живот, и покой, усопших раб Твоих (имена) всех зде ныне нами поминаемых, Христе Боже наш; и Тебе славу возсылаем, со Безначальным Твоим Отцем

и Пресвятым и Благим и Животворящим Твоим Духом, ныне и присно и во веки веков.

Лик:           Аминь.

 

(Д/Св):          Премудрость.

Св:            Пресвятая Богородице, спаси нас.

Лик:           Честнейшую Херувим…

Св:            Слава Тебе, Христе Боже, упование наше, слава Тебе.

Лик:           Слава… и ныне…

                        Господи, помилуй (трижды).

                   Благослови.

Св:            Живыми и мертвыми обладаяй, воскресый из мертвых Христос, истинный Бог наш, молитвами Пречистыя Своея Матере…

(Д/Св):          Во блаженном успении вечный покой подаждь, Господи усопшим рабом Твоим зде ныне нами поминаемым и сотвори им вечную память.

Лик:  Вечная память. Вечная память. Вечная память.

         Души их во благих водворятся,

         И память их в род и род.